October 2026

 

அக்டோபர் 7 ஆகஸ்ட் 17, 27 மற்றும் செப்டம்பர் 7 ஆகிய தினங்களில், ரோமர் புத்தகத்திலிருந்து நடத்தப்பட்ட ஆன்லைன் வேதாகம வகுப்புகளில், B-1 கோட்டத்தின் சபைகளைச் சேர்ந்த விசுவாசிகள் ஆர்வமுடன் பங்கேற்று, ஒவ்வொரு அதிகாரத்தினையும் முறையாகக் கற்றறிந்தனர். செப்டம்பர் 13 அன்று போஜ்புரி-2 கோட்டத்தின் சபைகளில், எபிரெயர் நிருபத்திலிருந்து நடைபெற்ற வேதாகமத் போட்டியில் 750 பேர் பங்கேற்றனர். வேதவாசிப்பில் விசுவாசிகள் ஆர்வம் காட்டவும், வேத அறிவில் பெருகவும், அக்டோபர் 29 அன்று நடைபெறவிருக்கும் சசராம் பணித்தள ஆலய அர்ப்பணிப்பு நிகழ்ச்சிக்காகவும் ஜெபிப்போம்.

அக்டோபர் 8 சோன்ஹான் பணித்தளத்தில் நடைபெற்ற சுத்திகரிப்புக் கூட்டத்தில், சோன்ஹான், சந்த் மற்றும் ஹட்டா பணித்தளங்களைச் சேர்ந்த விசுவாசிகள் சுமார் 150 பேர் பங்கேற்றனர்; தொடர்ந்து, ராம்நகர் பணித்தளத்தில் நடைபெற்ற எழுப்புதல் கூட்டத்தில் சுமார் 70 பேர் பங்கேற்றனர்; சகோ. ஜெபசிங் இக்கூட்டங்களில் தேவ செய்தியளித்து, ஆவிக்குரிய வாழ்க்கையில் விசுவாசிகளை உற்சாகப்படுத்தினார்.  மார்பகப் புற்றுநோய்க்காக சிகிச்சைபெற்றுவரும் சகோதரி ரிங்கி குமாரிக்காகவும், நரம்பு நோயினால் பாதிக்கப்பட்டுள்ள சகோதரர் ராமாவத்திற்காகவும் ஜெபிப்போம்.

அக்டோபர் 9 சூரியபுரா பணித்தளத்தில், ஆகஸ்ட் 24 மற்றும் 25 ஆகிய தினங்களில் நடைபெற்ற GIANT கூடுகையில் 75 பேரும்,  தொடர்ந்து, ஆகஸ்ட் 26 மற்றும் 27 ஆகிய தினங்கள், தியோகலியா பணித்தள ஆலயத்தில் நடைபெற்ற GIANT கூடுகையில்,  60 பேரும் பங்கேற்றனர். இக்கூட்டங்களில் ஜெபவாழ்க்கையைக் குறித்து விசுவாசிகளுக்கு கற்றுக்கொடுக்கவும், உற்சாகப்படுத்தவும் கர்த்தர் கிருபைசெய்தார். சகோ. ஹென்றி மற்றும் சகோ. ஸ்டீபன் சங்கர் ஆகியோர் இக்கூட்டங்களில் தேவ செய்தியினைப் பகிர்ந்துகொண்டு,  ஜனங்களை ஜெபத்தில் வழிநடத்தினர். பணித்தளங்களில் நடைபெற்றுவரும் GIANT ஊழியங்களுக்காகவும்,  விசுவாசிகள் ஜெப வாழ்க்கையில் வளரவும் ஜெபிப்போம்.

அக்டோபர் 10 ஆகஸ்ட் 26 அன்று போஜ்புரி-2 கோட்டத்தின் கருவந்தியா பணித்தளத்தில் நடைபெற்ற தம்பதியர்களுக்கான ஒருநாள் சிறப்புக் கூடுகையில்> 350 குடும்பத்தினர் பங்கேற்றனர். சகோ. எடி மற்றும் சகோதரி பிரின்சி ஆகியோர், பயனுள்ள பாடங்களை தம்பதியருக்குக் கற்றுக்கொடுத்து, தேவ வார்த்தையையும் பகிர்ந்துகொண்டனர். றூயவளயுppஇ குயஉநடிழழம மற்றும் ஐளெவயபசயஅ வாயிலாக பகிரப்படும் சுவிசேஷ குறும்படங்கள் மூலமாக ஜனங்கள் சந்திக்கப்பட ஜெபிப்போம்.

அக்டோபர் 11 ராம்நகர் பணித்தளத்தைச் சுற்றியுள்ள சபைகளுக்கான ஒருநாள் மூப்பர்கள் கூட்டம் செப்டம்பர் 15 அன்று ராம்நகர் பணித்தளத்தில் நடைபெற்றது. ராம்நகர், நுவான், ரியோதிபூர், பதௌரா மற்றும் பக்சடா ஆகிய பகுதிகளைச் சேர்ந்த முதிர்ச்சியடைந்த விசுவாசிகள் 75 பேர் இக்கூட்டத்தில் கலந்துகொண்டனர். சகோ. வின்சென்ட் ஜெயராஜ் கர்த்தருடைய வார்த்தையைப் பகிர்ந்துகொண்டார். இக்கூட்டத்தில் பங்கேற்ற மூத்த விசுவாசிகள், மூப்பராக தங்கள் கடமையினை சபையில் செய்யவும், இப்பணித்தளத்திலுள்ள விசுவாசிகளுக்காகவும் ஜெபிப்போம்.

  

 

SEPTEMBER 2026

 

செப் 06 போஜ்புரி - 2 கோட்டத்தில் நடைபெற்ற ஊழியர்களுக்கான சிறப்புக் கூடுகையில், பணித்தள ஊழியர்கள் பங்கேற்றனர். பணித்தள ஊழியங்கள் குறித்து விரிவாக ஆராயவும், எதிர்காலத்தில் செய்யப்படவிருக்கும் ஊழியங்களைக் குறித்து ஜெபத்துடன் திட்டமிடவும் கர்த்தர் கிருபைசெய்தார். இக்கூடுகையில், சகோதரர் வின்சென்ட் ஜெயராஜ் கர்த்தருடைய வார்த்தையைப் பகிர்ந்துகொண்டார். திருவிருந்துடன் கூடுகை நிறைவுற்றது. 

செப் 07 போஜ்புரி - 1 கோட்டத்தில் நடைபெற்ற வட்டார ஊழியர் கூடுகையில், ஊழியங்களின் வளர்ச்சி மற்றும் புதிய முயற்சிகள் மற்றும் மிஷனரிகளின் நலன்கள் குறித்து ஜெபிக்கவும், திட்டமிடவும், அத்துடன், ஊழியர்களின் குடும்பங்களுக்காக ஜெபிக்கவும் கர்த்தர் கிருபை செய்தார். பக்சாடா பணித்தளத்தில் ஆலயத்தின் கூரை மற்றும் ஜன்னல்களைப் புதுப்பிக்கும் பணிகளைச் செய்துமுடிக்க கர்த்தர் உதவிசெய்தார். மீதமுள்ள பழுதுபார்க்கும் பணிகள் விரைவில் முடிக்கப்படவும், இப்பணித்தள ஊழியங்களை கர்த்தர் ஆசீர்வதிக்கவும், ஆத்துமாக்கள் சபையில் பெருகவும் ஜெபிப்போம்.  

செப் 08 மார்பகப் புற்றுநோயினால் பாதிக்கப்பட்டு, இதுவரை 7 முறை கீமோதெரபி சிகிச்சை பெற்றுள்ள பகத்கஞ்ச் பணித்தள ஊழியர் சத்யேந்தரின் மனைவி சகோதரி ரிங்கி குமாரிக்கு தேவன் சுகம் கொடுக்கவும், நீண்ட நாட்களாக நரம்பு பிரச்சனையினால் பாதிக்கப்பட்டு தற்போது CMC  மருத்துவமனையில் சிகிச்சைபெற்றுவரும் நௌகார் பணித்தள ஊழியர் சகோ. ராமாவத்-ஐ கர்த்தர் தொட்டு குணமாக்கவும், பல்வேறு மருந்துகளை எடுத்தும் வலிப்பு நோயினால் பாதிக்கப்பட்டுள்ள சகோதரர் தீபக்-ன் மகள் அட்லின் விரைவில் குணமடையவும் ஜெபிப்போம். 

செப் 09 சசராம் மற்றும் பெலாவன் பணித்தளங்களில் ஆலயக் கட்டுமானப் பணிகள் எவ்விதத் தடையுமின்றி தொடர்ந்து நடைபெற்றுவருகின்றன. பணிகள் திட்டமிடப்பட்டுள்ள காலத்திற்குள் முடிக்கப்படவும், மழையினால் வேலைகள் பாதிக்கப்படாதிருக்கவும், விரைவில் ஆலயம் கட்டப்பட்டு ஜனங்கள் விடுதலையோடு ஆண்டவரை ஆராதிக்கவும் ஜெபிப்போம். 

செப் 10 பணித்தளத்தில் புதிதாக கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்டவர்கள், உடன்படிக்கையின் மூலமாக கிறிஸ்துவின் மீதுள்ள தங்கள் விசுவாசத்தை சபைக்கு வெளிப்படுத்தினர்; தேவனுக்கே மகிமை! இசியா பணித்தளத்தில் சிறிய குடிசையில் நடைபெற்றுவந்த ஆலய ஆராதனையில் பங்கேற்கும் விசுவாசிகள், தாங்களாக முன்வந்து விசுவாசி ஒருவரின் நிலத்தில்  தற்காலிகமாக கூடாரம் ஒன்றை அமைத்துவருகின்றனர். விரைவில் இப்பணித்தளத்தில் ஆலயம் கட்டப்பட ஜெபிப்போம்.

August 2026

 

ஆகஸ்ட் - 7 பக்சடா பணித்தளத்தில் நீண்ட நாட்களாக சேதமடைந்திருந்த சபையின் கூரை மற்றும் ஜன்னல்களைப் புதுப்பிக்கும் பணிகள் தொடங்கப்பட்டுள்ளன. போஜ்புரி -1 மற்றும் போஜ்புரி -2 கோட்டங்களில், பணித்தளங்களைச் சுற்றியுள்ள 9 கிராமங்களில் நடைபெற்ற பல்வேறு சிறுவர் நிகழ்ச்சியின் மூலமாக,  சுமார் 700 சிறுவர் சிறுமியருக்கு பாடல்கள்,  வேதாகம கதைகள், வசனங்கள் மற்றும் விளையாட்டுகள் மூலம் கிறிஸ்துவின் அன்பு அறிவிக்கப்பட்டது. இச்சிறுவர்கள் இயேசுவைக் கண்டு கொள்ளவும், அவர்களது குடும்பத்தினர் சந்திக்கப்படவும் ஜெபிப்போம்.

ஆகஸ்ட் - 8 இசியா பணித்தளத்தில் இதுவரை சிறிய குடிசையில் சபைக் கூட்டங்கள் நடைபெற்றுவந்தன. தற்போது ஒரு விசுவாசியின் நிலத்தில் சிறிய கூடாரம் அமைக்க விசுவாசிகள் தாமாக முன்வந்துள்ளனர். கட்டுமானப் பணிகளும் தொடங்கியுள்ளன. போஜ்புரி -1 கோட்டத்தில் அப்போஸ்தலர் நடபடிகள் புத்தகத்தை அடிப்படையாகக் கொண்டு நடத்தப்பட்ட வேத வினா போட்டியில் சுமார் 300 பேரும், போஜ்புரி -2 கோட்டத்தில், 1 ரூ 2 தீமோத்தேயு மற்றும் தீத்து ஆகிய நிருபங்களை அடிப்படையாகக் கொண்டு நடத்தப்பட்ட வேத வினா போட்டியில் சுமார் 700 பேரும் பங்கேற்றனர். பணித்தளங்களில் தொடர்ந்து நடைபெற்று வரும் இத்தகைய வேத வினா போட்டியில் விசுவாசிகள் ஆர்வமுடன் கலந்துகொள்ளவும், வேத அறிவில் விசுவாசிகள் வளரவும் ஜெபிப்போம்.

ஆகஸ்ட் - 9 டும்ராவன் பணித்தளத்தில் நடைபெற்ற ஆண்கள் கூடுகையில் 40 பேர் பங்கேற்றனர். ஆண்கள் சபையின் தூண்களாக நிலைத்திருக்கவேண்டியதன் அவசியம் குறித்தும், சபை, குடும்பம் மற்றும் சமுதாயத்தில் ஆண்களின் பொறுப்புகள் குறித்தும் போதனைகள் வழங்கப்பட்டதுடன், அனைவரும் ஒன்றிணைந்து ஒருமனதுடன் ஜெபத்தில் நேரம் செலவிடவும் இக்கூடுகை வழிவகுத்தது. பணித்தள ஊழியங்களில் ஆண்கள் உற்சாகமாக பங்கேற்கவும், தங்கள் குடும்பம் மற்றும் உறவினரை கிறிஸ்துவண்டை வழி நடத்துவதுடன் சமுதாயத்திற்கும் முன்மாதிரிகளாக விளங்கவும் ஜெபிப்போம்.

ஆகஸ்ட் - 10 போஜ்புரி -1 கோட்டத்தின் ராம்கட் மற்றும் சோன்ஹன் பணித்தளங்களில் நடைபெற்ற வட்டார ஊழியர் கூடுகையைக் கர்த்தர் ஆசீர்வதித்தார். ஊழியர்கள் இணைந்து பணித்தளங்களில் வரும் நாட்களில் செய்யப்படவிருக்கும் ஊழியங்களைக் குறித்து திட்டமிடவும், ஆலோசிக்கவும், ஜெபிக்கவும் கர்த்தர் உதவிசெய்தார். மார்பகப் புற்றுநோயால் பாதிக்கப்பட்டு மும்பையில் சிகிச்சை பெற்றுவரும் பகத்கஞ்ச் பணித்தள ஊழியர் சகோதரர் சத்யேந்திராவின் மனைவி சகோதரி ரிங்கி குமாரிக்காகவும், முதுகுத்தண்டின் நரம்புகளில் பாதிக்கப்பட்டுள்ள ஆலம்பூர் பணித்தள ஊழியர் சகோதரர் அருணின் மனைவி சகோதரி வித்யாவிற்காகவும், வலிப்பு வியாதியினால் பாதிக்கப்பட்டுள்ள சகோதரர் தீபக்கின் மகள் அட்லைனுக்காகவும் ஜெபிப்போம்.

ஆகஸ்ட் - 11 2026 ஜூன் 29 அன்று துர்காவதி பணித்தளத்தில் முதல் பயிற்சி அணியினரின் சான்றளிப்பு சிறப்பாக நடைபெற்றது. தங்கள் ஆறு மாதப் பயிற்சியினை வெற்றிகரமாக நிறைவுசெய்த 9 இளைஞர்கள் சான்றிதழ்களைப் பெற்றனர். இவர்களில் 5 பேர் கர்த்தருடைய ஊழியத்திற்கென்று தங்களை அர்ப்பணித்து,  ஜெம்ஸ் திமோத்தேயு வேதாகமக் கல்லூரியில் சேர்ந்துள்ளனர். பணித்தளங்களில் கிறிஸ்துவை தங்கள் வாழ்க்கையின் சொந்த இரட்சகராக ஏற்றுக் கொண்டார்கள், உடன்படிக்கையின் மூலம் தங்கள் விசுவாசத்தை வெளிப்படுத்தினர்;. தேவனுக்கே மகிமை! சசராம் மற்றும் பெலாவன் பணித்தளங்களில் நடைபெற்றுவரும் கட்டுமானப் பணிகளுக்காக ஜெபிப்போம்.

July 2026

 

ஜூலை 06  B-1 கோட்டத்தின் 25 இடங்களில் நடைபெற்ற விடுமுறை வேதாகமப் பள்ளி ஊழியங்களின் மூலமாக சுமார் 2000 சிறுவர் சிறுமியருக்கும், B-2 கோட்டத்தின் 28 இடங்களில் நடைபெற்ற விடுமுறை வேதாகமக் கல்வி ஊழியங்களின் மூலமாக சுமார் 3000 சிறுவர் சிறுமியருக்கும் மற்றும் ஜெம்ஸ் சிறுவர் காப்பகங்கள் மற்றும் இல்லகங்களில் நடைபெற்ற சிறுவர் ஊழியங்கள் மூலமாக 280 சிறுவர் சிறுமியருக்கும் பாடல்கள், வேதாகமச் சரித்திரங்கள் மற்றும் வேத வசனங்கள் மூலமாக கிறிஸ்துவின் அன்பினை அறிவிக்க கர்த்தர் உதவிசெய்தார். சிறுவர்கள் கிறிஸ்துவைக் கண்டுகொள்ளவும், அவர்களது எதிர்காலத்திற்காகவும் மற்றும் அவர்களது குடும்பங்கள் ஆண்டவரை அறியவும் ஜெபிப்போம். 

ஜூலை 07 சசராம் பணித்தளத்தில் நடைபெற்றுவரும் ஜெம்ஸ் செயல் மையக் கட்டுமானப் பணிகள் தடையின்றி திட்டமிடப்பட்டுள்ள நாட்களில் நிறைவடையவும் மற்றும் பெலாவன் பணித்தளத்தில் நடைபெற்றுவரும் கட்டுமானப் பணிகளுக்காகவும் ஜெபிப்போம். பணித்தளங்களில் செய்யப்பட்டுவரும் பின்தொடர் ஊழியங்கள், வீட்டுக் கூடுகைகள் மற்றும் சுவிசேஷ ஊழியங்களின் மூலமாக ஜனங்கள் கிறிஸ்துவின் மந்தையில் சேர்க்கப்பட ஜெபிப்போம். 

ஜூலை 08 பணித்தளங்களில், சுவிசேஷத்திற்குக் கீழ்ப்படிந்து, கிறிஸ்துவை தங்கள் வாழ்க்கையின் சொந்த இரட்சகராக ஏற்றுக்கொண்டவர்கள், கிறிஸ்துவின் மேலுள்ள தங்கள் விசுவாசத்தை உடன்படிக்கையின் மூலமாக சபைக்கு வெளிப்படுத்தினர். இவர்கள் தங்கள் விசுவாசத்தில் நிலைத்து நிற்கவும், தங்கள் குடும்பங்களில் மற்றும் உறவினர்கள் மத்தியில் சாட்சிகளாக வாழவும் ஜெபிப்போம். 

ஜூலை 09 ஹட்டா பணித்தளத்தில் நீண்ட நாட்களாக நிலவிவந்த நிலப் பிரச்சனை, தேவனுடைய கிருபையினால் முடிவுக்கு வந்ததுடன், நிலத்தினை அளந்து வேலி அமைக்கவும் கர்த்தர் உதவிசெய்தார். வியாதியின் மற்றும் பிசாசின் பிடியிலிருக்கும் ஜனங்களை கர்த்தர் குணமாக்கவும், விசுவாசிகளின் அன்றாடத் தேவைகள் சந்திக்கப்படவும், ஆலயங்கள் இல்லாத பணித்தளங்களில் விரைவில் ஆலயங்கள் கட்டப்படவும், ஜனங்கள் விடுதலையோடு கர்த்தரை ஆராதிக்கவும் ஜெபிப்போம். 

ஜூலை 10 மேற்கு மண்டல பணித்தளங்களில் நடைபெற்றுவரும் சிறுவர் மற்றும் வாலிபர் ஊழியங்களுக்காகவும், வரும் நாட்களில் நடைபெறவிருக்கும் சீஷத்துவப் பயிற்சி முதல் அணியினரின் சான்றளிப்பு நிகழ்ச்சிக்காகவும், பயிற்சி பெற்றோர் தங்கள் கிராமங்களில் கிறிஸ்துவுக்கு சாட்சிகளாக வாழவும், ஆத்தும ஆதாயப் பணியில் அயராது தங்களை ஈடுபடுத்திக்கொள்ளவும் ஜெபிப்போம். 

June 2026

 

ஜூன் 06  B-1 கோட்டத்தின் கோரியா மற்றும் B-2 கோட்டத்தின் துர்காவாதி ஆகிய பணித்தளங்களில் "உண்மையுள்ள ஊழியன்" என்ற தலைப்பின்கீழ் நடைபெற்ற ஊழியர் சிறப்புக் கூடுகையில், பணித்தளத்தின் பல்வேறு பொறுப்புகளின் கீழ் பணியாற்றும் ஊழியர்கள் பங்கு பெற்று தேவ ஆசீர்வாதத்தினைப் பெற்றனர். இக்கூடுகையில், சகோதரர் ஜான் சாமுவேல் தேவ செய்தியினைப் பகிர்ந்துகொண்டார். அன்பின் விருந்துடன் கூடுகை நிறைவுபெற்றது. பணித்தளங்களில் வரும் நாட்களில் திட்டமிடப்பட்டிருக்கும் ஊழியங்களுக்காகவும் மற்றும் ஊழியர்களின் சுகத்திற்காகவும் ஜெபிப்போம்.

ஜூன் 07 B-1 மற்றும் B-2 கோட்டங்களில் ஜெம்ஸ் சிறுவர் துறை ஊழியர்கள் மூலம் விடுமுறை வேதாகமப் பள்ளி பயிற்சி வகுப்புகள் நடைபெற்றன. B-1 கோட்டத்தின் துர்காவதி பணித்தளத்தில் நடைபெற்ற பயிற்சி வகுப்புகளில் 30 பேரும் மற்றும் B-2 கோட்டத்தின் தினார் பணித்தளத்தில் நடைபெற்ற பயிற்சி வகுப்புகளில் 60 பேரும் இப்பயிற்சியில் பங்கேற்றனர். பயிற்சி பெற்ற சகோதர சகோதரிகளுக்காகவும் மற்றும் வரும் நாட்களில் நடைபெறவிருக்கும் விடுமுறை வேதாகமப் பள்ளி ஊழியங்களுக்காகவும் ஜெபிப்போம்.

ஜூன் 08  B-1 கோட்டத்தின் தெஹோலியா பணித்தளத்தில் நடைபெற்ற விடுமுறை வேதாகம பள்ளி வகுப்புகளில் 110 சிறுவர் சிறுமியர் பங்குபெற்று தேவ அன்பை அறிந்து கொண்டனர்.  பாரே மற்றும் பாபுவா ஆகிய பணித்தளங்களில், ஜெம்ஸ் ஆங்கிலப் பள்ளிகளில் நடைபெற்ற விடுமுறை வேதாகமப் பள்ளி ஊழியங்களையும் கர்த்தர் ஆசீர்வதித்தார். பணித்தளச் சபைகளில் தொடர்ந்து நடைபெற்றுவரும் விடுமுறை வேதாகமப் பள்ளி ஊழியங்களுக்காகவும், தடைகள் நீங்கவும் மற்றும் ஊழியர்களுக்காகவும் ஜெபிப்போம். 

ஜூன் 09 சசராம் பணித்தளத்தில் நடைபெற்றுவரும் ஜெம்ஸ் செயல் மையக் கட்டுமானப் பணிகள் தடையின்றி தொடர்ந்து நடைபெறவும், பெலான் பணித்தளத்தில் நடைபெற்றுவரும் பணித்தள ஆலயக் கட்டுமானப் பணிகளுக்காகவும் ஜெபிக்கவும்.

ஜூன் 10 பணித்தளங்களில் இயேசு கிறிஸ்துவை தங்கள் வாழ்க்கையின் சொந்த இரட்சகராக ஏற்றுக் கொண்டு, இரட்சிப்பின் அனுபவத்தைப் பெற்றவர்கள், உடன்படிக்கையின் மூலமாக கிறிஸ்துவின் மேல் உள்ள தங்கள் விசுவாசத்தை வெளிப்படுத்தினர்; தேவனுக்கே மகிமை! துர்காவதி பணித்தளத்தில் நடைபெற்று வரும் சீஷத்துவப் பயிற்சி வகுப்புகளில் பயிலும் மாணவர்கள் ஆவிக்குரிய வாழ்க்கையில் பெலப்படவும், ஆத்ம ஆதாயப் பணியில் உற்சாகமுடன் தங்களை ஈடுபடுத்திக் கொள்ளவும் ஜெபிப்போம்.

May 2026

மே 06 போஜ்புரி -1 கோட்டத்தின் பெலாவன், பாபுவா மற்றும் துர்க்காவதி பணித்தளங்களில் நடைபெற்ற வட்டாரக் கன்வென்ஷன் கூட்டங்களைக் கர்த்தர் ஆசீர்வதித்தார். இக்கூட்டங்களில் 800 விசுவாசிகள் பங்கேற்றனர்; சகோ. ராகேஷ், சகோ. வின்சென்ட் ஜெயராஜ் மற்றும் சகோ. ரூபன் கிருஷ்ணமூர்த்தி ஆகியோர் கர்த்தருடைய வார்த்தையைப் பகிர்ந்துகொண்டனர். பெலாவன் பணித்தளத்தில் நடைபெற்றுவரும் பணித்தள ஆலயக் கட்டுமானப் பணிகளுக்காக ஜெபிப்போம்.  

மே 07 பெலாவன் மற்றும் பாபுவா பணித்தளங்களில் நடைபெற்ற சிறுவர் முகாம்களில் 100 சிறுவர் சிறுமியர் பங்கேற்றனர். பாடல்கள், வேதாகமச் சம்பவங்கள், வேத வசனங்கள் மற்றும் பல்வேறு நிகழ்ச்சிகள் வாயிலாக, ஜெம்ஸ் சிறுவர் ஊழியக் குழுவினர் சிறுவர்களை கிறிஸ்துவின் அன்பிற்கு நேராக வழிநடத்தினர். கோராரி மற்றும் துர்க்காவதி பணித்தளங்களில் வரும் நாட்களில் நடைபெறவிருக்கும் ஊழியர் குடும்பக் கூடுகைக்காக ஜெபிப்போம்.  

மே 08 போஜ்புரி கோட்டத்தின் கருவந்தியா பணித்தளத்தில் நடைபெற்ற ஒருநாள் வாலிபர் கூடுகையில் 340 வாலிபர்களும், தியோஹலியா பணித்தளத்தில் நடைபெற்ற ஒருநாள் வாலிபர் கூடுகையில் 75 வாலிபர்களும் பங்கேற்றனர். வாலிபருக்கேற்ற செய்திகள், சாட்சிகள் மற்றும் ஆவிக்குரிய வாழ்க்கைக்கான நடைமுறை ஆலோசனைகளுடன், எதிர்கால வாழ்க்கைக்கான வழிகாட்டுதல்களையும் கூடவே வழங்க கர்த்தர் உதவிசெய்தார். வாலிபர்கள் கிறிஸ்துவை அறிந்துகொள்ளவும், பணித்தளங்களில் வாலிபர் மத்தியில் செய்யப்பட்டுவரும் ஊழியங்களுக்காகவும் ஜெபிப்போம். 

மே 09 போஜ்புரி 1 மற்றும் போஜ்புரி 2 கோட்டங்களில், லூக்கா சுவிசேஷத்திலிருந்தும் மற்றும் 1 மற்றும் 2 தெசலோனிக்கேயர் நிருபங்களிலிருந்தும் நடைபெற்ற வேதவினாப் போட்டிகளில் 900 பேர் ஆர்வமுடன் பங்கேற்றனர். சசராம் பணித்தளத்தில் நடைபெற்றுவரும் ஜெம்ஸ் செயல் மையக் கட்டுமானப் பணிகள் எவ்விதத் தடையுமின்றி தொடர்ந்து நடைபெற ஜெபிப்போம். 

மே 10 துர்க்காவதி பணித்தளத்தில் நடைபெற்றுவரும் சீஷத்துவப் பயிற்சி வகுப்புகளுக்காகவும், அதில் பயிலும் மாணவர்கள் ஆவிக்குரிய வாழ்க்கையில் பெலனடையவும், பன்னிரெண்டாம் வகுப்பினை நிறைவு செய்த மாணவர்களுக்கு, உயர்கல்விக்கான இடங்கள் கிடைக்கவும் ஜெபிப்போம். 

April 2026

 

ஏப்ரல் 6 'பாபுவா, ராம்கட், கோச்சஸ் மற்றும் தியாரா பணித்தளங்களில் நடைபெற்ற பெண்கள் கூடுகைகளில் 620 பேர் பங்கேற்றனர். பெலாவன் பணித்தளத்தில் ஆலயக் கட்டுமானத்துடன், ஊழியர் இல்லக் கட்டுமானப் பணிகளையும் தொடங்க தேவன் கிருபை செய்தார். பணித்தளங்களில் இயேசுவை தங்கள் சொந்த இரட்சகராக ஏற்றுக்கொண்டு, உடன்படிக்கையில் அவரோடு இணைந்தவர்கள் தொடர்ந்து தங்கள் விசுவாசத்தில் நிலைத்து நிற்க ஜெபிப்போம். 

ஏப்ரல் 7 'பகவான்பூர் பணித்தளத்தில் நடைபெற்ற சுத்திகரிப்புக் கூட்டத்தில், பகவான்பூர், ஹட்டா, சந்த் மற்றும் பிஹரா ஆகிய பணித்தளங்களைச் சேர்ந்த 200 விசுவாசிகள் பங்கேற்றனர். தனிப்பட்ட வாழ்கையை தேவசமூகத்தில் ஆராய்ந்து பார்க்கவும், பரிசுத்தத்தில் வளரவும் போதிக்கப்பட்டதுடன், கால்களைக் கழுவுதல் மற்றும் கர்த்தரின் பந்தியுடன் இக்கூட்டம் நிறைவடைந்தது. சசராம் பணித்தளத்தில் நடைபெற்றுவரும் ஜெம்ஸ் செயல் மையக் கட்டிடப்பணிகள், எவ்விதத் தடையுமின்றி நடைபெற ஜெபிப்போம். 

ஏப்ரல் 8 'P-1 கோட்டத்தின் துர்க்காவதி பணித்தளத்தின் ஜெம்ஸ் செயல் மையத்தில் நடைபெற்ற ஒருநாள் வட்டாரக் கன்வென்ஷன் கூட்டத்தில், மொஹனியா, துர்க்காவதி, தேவ்ஹலியா, மசௌடா, புசௌலி மற்றும் சையத்ராஜா பணித்தளங்களைச் சேர்ந்த விசுவாசிகள் சுமார் 200 பேர் கலந்துகொண்டனர்; சகோ. வின்சென்ட் ஜெயராஜ் தேவ செய்தியினைப் பகிர்ந்துகொண்டு, கூடிவந்தவர்களுக்காக ஜெபித்தார். மேலும், ராம்நகர் பணித்தளத்தில் நடைபெற்ற வட்டாரக் கன்வென்ஷன் கூட்டத்தில், ராம்நகர், பதௌரா, பக்சடா, ரியோடிபூர் மற்றும் நுவாவுன் பணித்தளங்களைச் சேர்ந்த சுமார் 200 விசுவாசிகள் பங்கேற்றனர்; இக்கூட்டத்தில், சகோ. எமர்சன் கர்த்தருடைய வார்த்தையைப் பகிர்ந்துகொண்டார். 

ஏப்ரல் 9 'துர்க்காவதி மற்றும் ராம்நகர் பணித்தளங்களில் நடைபெற்ற சிறுவர் முகாம்களில், பாடல்கள் மற்றும் வேதாகமச் சம்பவங்கள் மூலமாக சிறுவர் சிறுமியருக்கு கிறிஸ்துவின் அன்பினை அறிவிக்கவும், பல்வேறு நிகழ்ச்சிகள் மற்றும் விளையாட்டுகள் வாயிலாக வேதவசனங்களை அவர்களது இதயத்தில் விதைக்கவும் கர்த்தர் உதவிசெய்தார். முகாமில் கலந்துகொண்ட சிறுவர் சிறுமியர் சிற்றுண்டியுடன் பரிசுகளும் வழங்கப்பட்டு உற்சாகப்படுத்தப்பட்டனர். பணித்தளங்களில் சிறுவர் மத்தியில் நடைபெற்றுவரும் ஊழியங்கள் நல்ல பலனைத் தரவும், சிறுவயதிலேயே அவர்கள் கிறிஸ்துவைக் கண்டுகொள்ளவும் ஜெபிப்போம். 

ஏப்ரல் 10 'சக்கியா பணித்தளத்தில் வரும் நாட்களில் நடைபெறவிருக்கும் வட்டாரக் கன்வென்ஷன் கூட்டங்களுக்காகவும், துர்க்காவதி பணித்தளத்தில் நடைபெற்றுவரும் சீஷத்துவப் பயிற்சி வகுப்புகளில் பயிற்சி பெறும் சகோதரர்களுக்காகவும் மற்றும் மேற்கு மண்டலத்தில் செயல்பட்டுவரும் சிறுவர் இல்லங்கள் மற்றும் பிற திட்டங்களுக்காகவும் ஜெபிப்போம்.